Ortodoncia

Ortodoncia interceptive është trajtimi ortodontik i hershëm, i cili realizohet në moshë të vogël (zakonisht 6–9 vjeç) kur fëmija është ende në fazë rritjeje.

Kjo terapi ka për qëllim të:

• korrigjojë keqkafshimet në fazat e hershme
• udhëheqë rritjen e nofullave në mënyrë harmonike
• parandalojë përkeqësimin e problemeve skeletike
• thjeshtojë ose reduktojë trajtimin e mëvonshëm në denticionin e përhershëm
  
  

Trajtimi interceptiv është veçanërisht i rëndësishëm në raste si:

• kafshimi i kryqëzuar
• nofull e sipërme e ngushtë
• kafshim i thellë ose i hapur
• mungesë hapësire për daljen e dhëmbëve

Ortodoncia nuk është vetëm për fëmijë. Sot, shumë pacientë të rritur zgjedhin aparatet fikse për të korrigjuar:

• dhëmbë të shtrembër ose të mbivendosur
• hapësira ndërmjet dhëmbëve
• kafshim jo të rregullt
• probleme funksionale dhe estetike
  
  

Aparatet fikse janë një zgjidhje shumë efektive dhe e saktë, edhe në rastet më komplekse.

Aligners janë aparate transparente dhe të padukshme, të cilat lëvizin dhëmbët gradualisht në mënyrë të kontrolluar.

Kjo metodë është ideale për pacientët që kërkojnë:

• estetikë maksimale gjatë trajtimit
• komoditet dhe higjienë më të lehtë
• një trajtim diskret në jetën e përditshme
  
  

Aligners përdoren si në trajtime të thjeshta, ashtu edhe në shumë raste të moderuara.

Ortodoncia paraprotezike është trajtimi ortodontik që kryhet përpara vendosjes së:

• kurorave
• urave
• fasetave
• implanteve
• protezave fikse
  
  

Qëllimi është të krijohen pozicionet dhe hapësirat e sakta për një rehabilitim protetik më të mirë, më estetik dhe më afatgjatë.

Në rastet ku problemi nuk është vetëm te dhëmbët, por edhe te pozicioni i nofullave, mund të jetë i nevojshëm trajtimi ortognatik.

Ortodoncia ortognatike kombinon:

• trajtimin ortodontik
  dhe (kur është e nevojshme)
• kirurgjinë ortognatike
  
  

Kjo zgjidhje rekomandohet në raste si:

• nofulla e poshtme shumë përpara ose shumë mbrapa
• asimetri e fytyrës
• kafshim i rëndë skeletik
• probleme funksionale të përtypjes dhe frymëmarrjes