Anestezi Reaminacioni

Shërbimi i Anestezi-Reanimacionit funksionon 24 orë, në të 7 ditët e javës me një staf të kualifikuar dhe në gadishmëri të plotë për të kryer të gjitha llojet e teknikave anestetike dhe shërbimit të nevojshëm reanimator. Fillimisht bëhet vlerësimi shumë i kujdesshëm për pacientët para se të hyjnë në sallën e operacionit dhe më pas ndiqen dhe monitorohen me kujdes të veçantë të gjitha fazat e ndërhyrjeve kirurgjikale duke u kujdesur që pacienti të ketë parametra jetësorë të sigurt dhe të mos ketë dhimbje. Monitorimi dhe kujdesi vazhdon dhe më pas interventit në pavion, dhomë zgjimi apo reanimacion.

Disa tipe të anestezisë:

Anestezia e përgjithshme.

Nënkupton kalimin e pacientëve në gjendje jo-koshiente duke përdorur disa medikamente dhe duke i kontrolluar frymëmarrjen me aparatin e anestezisë. Kjo lloj anestezie lejon që të zhvillohet çdo lloj interventi pa asnjë dhimbje, pa lëvizur dhe pa kujtuar asnjë gjë nga çfarë ndodh në sallën e operacionit. Ne përdorim aparaturat më moderne dhe medikamentet e përshtatshme për të realizuar në përsosmëri këtë lloj anestezie.

Anestezia lokoregjonale:

Kjo lloj anestezie është për intervente që kanë kohëzgjatje relativisht të shkurtër dhe që interesojnë pjesë të veçanta të organizmit, si p.sh gjymtyrët apo intervente të tjerë që nuk kërkojnë përfshirjen e gjithë organizmit në anestezi. Këtu përdorim medikamentet e quajtura anestetike lokale, të cilët ndikojnë në nërvat e regjonit të interesuar duke mos lejuar të ndihet dhimbja, apo ndonjëherë edhe të mos kemi lëvizshmëri, gjithmonë të përkohshme.

Sedacioni:

Është një lloj anestezie që përdor medikamente sedatues për të realizuar qetësimin, relaksimin dhe deri përgjumje e pacientit gjatë procedurave dhe ekzaminimeve te ndryshme (gastroskopi, kolonoskopi, rezonancë, marrje biopsie, kombinim me anestezinë lokoregjonale etj.).

Terapia Intensive:

Është e pajisur me teknologjinë e fjalës së fundit. Në terapi intensive pranohen pacientë në gjendje të rënduar shëndetësore, shpesh jete-kërcënuese, si pasojë e një sëmundje serioze, aksidenti, interventi etj.

Reanimacioni siguron shërbim 24 orësh nga një ekip shumë i kualifikuar.

Ka një numër të kufizuar shtretërish të pajisur me shumë aparatura monitoruese dhe ndihmuese për pacientët.