Anatomi Patologjike

Laboratori i Anatomisë Patologjike pranë Spitalit Katolik Zoja e Këshillit të Mirë ofron shërbimet e mëposhtëme:

• Ekzaminim Pap-test;
• Ekzaminime citologjike, (citologji e urinës, citologji e likidit abdominal, citologji e likidit pleural, likidit cerebro-spinal, citologji e tiroides, citologji e gjirit, citologji e sekrecioneve mamare, etj);

• Ekzaminime histologjike, (biopsi e të gjitha materialeve indore incizionale, ekcizionale dhe operatore);

• Biopsi ex-tempora;
• Imunohistokimi;
• Konsulta e lamave të biopsive për një opinion të dytë.

Laboratori është i pajisur me aparatura moderne, të teknologjisë së fundit, tërësisht të automatizuara, të firmave “Siemens” dhe “Bio-Optica, duke ofruar shërbim të shpejtë dhe cilësor.  

Laboratori është i pajisur me sistemin informatik laboratorik, (LIS) i cili shërben për të ruajtuar të gjithë të dhënat e pacientit dhe për t’i përdorur ata në çdo kohë, por edhe për të reduktuar mundësine e gabimit, duke i vendosur çdo pacienti një barkod nga momenti që hyn në laboratorin tonë.

Ekzaminimet histologjike dhe citologjike konsultohen nga një ekip i specializuar mjekësh e profesorësh italianë dhe shqiptarë, duke mundësuar kështu dhe një raport përfundimtar dygjuhësh italisht dhe shqip. 

Ekzaminimet imunohistokimike kryhen me antikorpe cilësorë të Zytomed dhe Bio-Optica, duke garantuar saktësimin e rezultatit.

Laboratori i Anatomisë Patologjike pranë Spitalit Katolik Zoja e Këshillit të Mirë shërben si një hallkë e rëndësishme për vendosjen e diagnozës përfundimtare të shumë patologjive tumorale, për parandalimin, trajtimin dhe prognozën e tyre.