Proteza Dentare (Protetikë)

Protezat ndahen në dy kategori kryesore:

Proteza fikse

Janë proteza që cementohen ose vidhosen dhe nuk hiqen nga pacienti.

Përfshijnë:

• Kurora (këllëfë) dentare – për dhëmbë të dëmtuar ose të devitalizuar
• Ura dentare – për të zëvendësuar një ose disa dhëmbë që mungojnë
• Proteza mbi implante – zgjidhje moderne për pacientët me mungesë dhëmbësh
• Faseta estetike (veneers) – shtresa të holla qeramike për dhëmbët e përparmë, për formë dhe ngjyrë perfekte

Proteza të lëvizshme

Janë proteza që pacienti mund t’i heqë dhe t’i pastrojë lehtësisht.

Përfshijnë:

• Proteza totale – kur mungojnë të gjithë dhëmbët në nofull
• Proteza parciale – kur mungojnë disa dhëmbë
• Proteza skeletore (metalike) – më stabile dhe më rezistente
• Proteza me attachment – protezë më estetike dhe më e qëndrueshme

Sot, falë materialeve të avancuara si zirkonia, disilikati i litiumit dhe qeramikat estetike, protezat mund të realizohen me pamje shumë të ngjashme me dhëmbët dhe mishrat natyralë, duke ofruar rezultate të shkëlqyera dhe afatgjata.

Një protezë cilësore duhet të jetë:

• Funksionale – përtypje e mirë, artikulim i saktë dhe të folur i qartë
• Rezistente – të përballojë forcat përtypëse dhe kushtet e gojës
• Biokompatibile – materiale të sigurta, jo alergjike
• Estetike – të ruajë profilin e fytyrës dhe të duket sa më natyrale

Çdo trajtim protetik fillon me një vizitë dhe konsultë profesionale, ku bëhet vlerësimi i gjendjes së dhëmbëve, mishrave dhe kockës, si dhe hartohet një plan trajtimi i personalizuar me preventiv.