Urologjia

Urologjia është një specialitet kirurgjikal që merret me diagnostikimin dhe trajtimin e problemeve që përfshijnë rrugët urinare, si për meshkuj edhe femra, si edhe organet riprodhuese te meshkujve. Kjo është bërë e mundur duke pasur një përqasje dhe njohuri të thella në fushat e mjekësisë interne, pediatrisë dhe gjinekologjisë.

Cilat janë patologjitë më shpesh të trajtuara nga Urologu?

Problemet me të cilat përballen më shpesh urologët janë:

• gurët në traktin urinar
• cistite intersticiale
• divertikula uretrale
• impotenca
• urinimi i pavullnetshëm
• steriliteti mashkullor
• infeksionet e rrugëve urinare
• hiperplasia beninje prostatike
• hipertensioni
• sëmundjet e gjëndrave mbiveshkore
• keqformimet kongenitale të rrugëve genitourinare
• sëmundjet renale në fazat e avancuara që kërkojnë dializë ose transplantim traumat në rrugët genitourinare
• tumoret e rrugëve genitourinare
• bllokim i rrugëve urinare
• varicocela

Ndër procedurat më të përdorura nga Urologu ne kushte poliambulatore përfshihen:

• biopsia transrektale e prostatës
• ekografia
• hulumtimi i zorrës së trashë
• test PSA
• urokultura
• urografi

Kur duhet të kërkoni një vizitë me Urologun?

Për të kontaktuar urologun, nuk është e nevojshme t’ju shfaqet një problem. Një vizitë nga urologu mund të ndihmojë në parandalimin e çrregullimeve të organeve genitale dhe të mbrojë seksualitetin. Për këtë ne rekomandojmë një vizitë gjatë pubertetit dhe çdo 1-3 vjet nga mosha 40 vjeçare e lart.
Një djalë i ri duhet të kontaktojë një urolog sa herë që ka të bëjë me kruarje, dhimbje, skuqje apo njolla në organet genitale apo simptoma të tjera që mund të jenë dyshim i një problemi në to.
Në rast të problemeve të traktit urinar, si burrat ashtu edhe gratë duhet të kontaktojnë një urolog në rastet e përsëritjes së shpeshtë të infeksioneve (me një frekuencë më të lartë se 3 herë në vit) ose simptoma të cilat nuk zhduken brënda 24-48 orëve të marrjes së antibiotikëve, në rast të dhimbjeve të vazhdueshme të fshikëzës, djegjes dhe nevojës për të urinuar shpesh pa qenë simptoma të cistitit.