-Qëllimi, procedura, rreziqet, shërimi
Histerektomia është heqja kirurgjikale e mitrës.
Histerektomia kryhet për të trajtuar:
- Gjakderdhje jonormale ose e rëndë vaginale që nuk menaxhohet me metoda të tjera trajtimi.
- Leomiomat ose fibroidet e mitrës (tumoret jokanceroze).
- Dhimbje pelvike
- Prolapsi i mitrës
- Kanceri i qafës së mitrës ose i mitrës apo anomalitë që mund të çojnë në kancer.
Në varësi të arsyes pse kryhet histerektomia, dallojmë disa lloje të saj:
- histerektomi e thjeshtë/totale- ku hiqet mitra së bashku me qafën e mitrës
- Histerektomi subtotale – ku hiqet mitra, pa qafën e mitrës
- Histerektomi radikale – ku përvec mitrës dhe qafës së mitrës hiqen tubat Fallopianë, vezoret dhe indet përreth mitrës (kjo në rastet e tumoreve të avancuara)
Llojet e histerektomisë në varësi të mënyrës së ndërhyrjes:
- Histerektomia vaginale
- Histerektomia laparoskopike
- Histerektomia abdominale
- Histerektomi robotike
Koha e rikuperimit të plotë pas operacionit të histerektomisë mund të marrë katër deri në
gjashtë javë. Shërimi juaj varet nga lloji i histerektomisë dhe nga mënyra se si është kryer
operacioni. Rikuperimi nga histerektomia vaginale dhe laparoskopike kërkon më pak kohë sesa
ai nga histerektomia abdominale.
