Ekografia për të vlerësuar patologjitë testikulare është metoda më e thjeshtë, e menjëhershme
dhe me kosto të ulet.
Ekografia scrotale zakonisht përdoret për:
- përcaktimin e pozicionit të testeve, nëse një zmadhim i testit vjen si pasojë e një infeksioni, grumbullimi likidi, një mase, apo përdredhje e testikulit.
- diagnostikimin e shkaqeve të dhimbjes ose ënjtjes së testikujve si inflamacioni ose përdredhja.
- vlerësimin e shkaqeve të infertilitetit
Në mosha të ndryshme testikujt mund të paraqesin natyra të ndryshme të sëmundjeve.
Një fillim i papritur i dhimbjes në skrotum duhet të merret shumë seriozisht. Nëse nuk
ekzaminohet, kjo gjendje mund të çojë në një vonesë në trajtimin e shkakut ose humbje të
funksionit testikular.
Ekografia mund të përdoret gjithashtu për të lokalizuar dhe vlerësuar masat (gunga ose
tumore) në testikul ose diku tjetër në skrotum. Grumbullimet e lëngjeve dhe anomalitë e enëve
të gjakut mund të shfaqen me masë dhe mund të vlerësohen me ultratinguj. Masat brenda
testikujve në 95% të rasteve janë malinj, ndërsa masat jashtë testikujve në 95% të rasteve janë
beninje.
Pranë repartit të Radiologjisë ju ofrohet shërbim profesional nga një staf me eksperiencë në
fushën e radiologjisë.
