U mbajt në Tiranë në datat 5-6-7 Mars, 2023 Kongresi i Parë i Shëndetësisë. Ky Kongres pati si synim të sjellë së bashku politikëbërësit, profesionistët e shëndetit, përdoruesit e shërbimeve dhe aktorë të tjerë në një forum të përbashkët për të ndarë përvojat dhe për të adresuar sfidat e sistemit shëndetësor, për një shërbim më cilësor dhe gjithëpërfshirës, drejt Mbulimit Shëndetësor Universal.
Në sesionin me temë “Modernizimi i kujdesit shëndetësor” ka referuar edhe Prof. Orlando Armignacco, Drejtori Shëndetësor i Spitalit Katolik Zoja e Këshillit të Mirë. Prof. Armignacco ka prezantuar gjithashtu edhe Spitalin Katolik Zoja e Këshillit të Mirë.
Modernizimi i kujdesit shëndetësor synon të krijojë një model të ri kujdesi shëndetësor të bazuar në parimet e qeverisjes së mirë, efeciencës në kosto dhe qëndrueshmëri, parime të cilat përputhen dhe me vizionin dhe modelin e punës që aktualisht ndjek dhe Spitali Katolik Zoja e Këshillit të Mirë.
