Radiologjia Intervensionuese

Disa nga procedurat intervencionuese vaskulare përdoren në trajtimin e sëmundjeve vaskulare periferike. Ngushtimi i arterieve dhe venave trajtohet me zgjerim me balon. Nëse zgjerimi është i pamjaftueshëm në vendin e shtrëngimit, vendoset një stent që zgjeron enën e gjakut. Në rast të çrregullimeve të bllokimit të enëve të shkaktuara nga mpiksja e gjakut ofrohet terapi trombolitike e cila, nëse kryhet në kohë, ndihmon në shmangien e pasojave të sëmundjes. Disa raste kërkojnë mbyllje të enëve të gjakut për të parandaluar furnizimin me gjak në zonën e prekur ose të dëmtuar. Për këtë qëllim kryhen procedura intervenuese të embolizimit. 

MWA (micro wave ablation) është metodë mini-invazive e trajtimit të kancerit (kirurgji pa gjak): është djegie perkutane e tumoreve të organeve të ndryshme (hepar, veshkë, pulmon, kockë, etj.) nën guide ekografike, skaner ose modalitet tjeter radiologjik duke shkaktuar nje punksion ne lekure. Pacienti pas trajtimit qëndron disa orë në spital. Kjo procedure realizohet për herë të parë në Shqipëri dhe vetëm në spitalin Katolik Zoja e Këshillit të Mirë.

RFA (radiofrequency ablation) është metodë mini-invazive e trajtimit të kancerit (kirurgji pa gjak): është djegie perkutane e tumoreve të organeve të ndryshme (hepar, pulmon, veshkë, kockë, etj.) nën guidë ekografike, skaner ose modalitet tjeter radiologjik, duke shkaktuar një punksion në lëkurë. Pacienti pas trajtimit qëndron disa orë në spital. Kjo procedurë realizohet për herë të parë në Shqipëri dhe vetëm në spitalin Katolik Zoja e Këshillit të Mirë.

Cryoablation është një metodë e cila në sajë të zhvillimit të temperaturës ekstremisht të ulët shkatërron tumoret në inde të ndryshme (hepar, pulmon, veshkë, kockë, etj.) nën guide ekografike, skaner ose modalitet tjeter radiologjik duke shkaktuar një punksion në lëkurë. Pacienti pas trajtimit qendron disa orë në spital. Kjo procedure realizohet për herë të parë në Shqipëri dhe vetëm në spitalin Katolik Zoja e Këshillit të Mirë.

Procedura të tjera intervencioni:

• Drenazh perkutan i abscesit
• Efuzion pleural
• Drenazh biliar perkutan
• Drenazh perkutan i urinomës
• Futja e nefrostomisë perkutane
• Biopsitë në organe të ndryshme (CNB) të drejtuara nën ekografi, CT apo modalitet tjetër radiologjik-(CNB), citologjia aspiruese me gjilpërë të hollë.
• Injeksionet intraforaminale në dhimbjet e kolonës spinale, injeksione artikulare etj.
• Vendosje aksesi vaskular Port-a-cath, PICC etj.