Neuralgjia trigeminale është një formë shumë e zakonshme e dhimbjes kraniofaciale. Mund të ndodhë si te femrat ashtu edhe te meshkujt shpesh mbi moshën 50 vjeçare.
Ekzistojnë dy lloje të nevralgjisë trigeminale:
Neuralgjia esenciale trigeminale, e karakterizuar nga një dhimbje shumë intensive, e ngjashme me një goditje elektrike, me kohëzgjatje të shkurtër dhe shpesh e evokuar nga një stimul në një pikë specifike “shkaktuese” (vetull, buzë).
Neuralgjia atipike trigeminale, në rastin kur dhimbjet janë më të gjata dhe shoqërohen me ndjesi shpimi gjilpërash ose djegie në një zonë të fytyrës.
Shkaqet:
Neuralgjia trigeminale e ka origjinën nga një shtypje e nervit trigeminal në nivelin e njërës ose të të tre degëve të tij, pranë daljes nga trungu i trurit (e ashtuquajtura zona e hyrjes në rrënjë, REZ), nga degët e arteries cerebrale superiore, arteria bazilare ose nga venat. Skleroza e shumëfishtë dhe tumoret (nëse neoplazia përfshin një shtypje në nervin e 5-të kranial) mund të shkaktojnë gjithashtu nevralgji trigeminale.
Simptomat:
Simptoma më e zakonshme e nevralgjisë trigeminale është dhimbja intensive, e cila vjen duke e shtrirë rëndë individin, në një zonë të caktuar të fytyrës; pikat më të prekura janë:
- Vetull,
- Buzë e sipërme,
- Nofull
- Molarët e poshtëm
Simptoma të tjera që mund të shfaqen janë:
- Ndjeshmëri ndaj të ftohtit dhe prekjes,
- Dhimbje gjatë të folurit dhe përtypjes,
Midis një sulmi dhe sulmit tjetër, në përgjithësi, mund të zgjasë disa minuta, por edhe javë; në shumicën e rasteve, megjithatë, dhimbja nuk largohet pa ndonjë trajtim.
Nëse shfaqet ndonjë nga këto simptoma, këshillohet të shkoni te mjeku.
Diagnoza:
Për të përcaktuar diagnozën, kryhen CT dhe MRI për të parë çdo konflikt neuro-vaskular, praninë e një mase tumorale ose sklerozë të shumëfishtë.
Mjekimi:
Pasi të jetë konstatuar diagnoza e nevralgjisë trigeminale, mund të sugjerohen metodat e mëposhtme të trajtimit:
- Trajtimi farmakologjik (përgjithësisht medikamente antiepileptike), përmes të cilit një pjesë e mirë e pacientëve ndihen më mirë.
- Kirurgjia e dekompresionit mikrovaskular, e cila shpesh çon në zgjidhjen e plotë të problemit.
- Bazuar në moshën e pacientit, neurokirurgu vendos nëse do të kryejë një operacion kirurgjik apo një operacion më pak invaziv, siç është trajtimi i nevralgjisë me përdorimin e Gamma Knife, i cili ka një shkallë të mirë suksesi me pak invazivitet.
