Epilepsia e lobit temporal është një goditje epileptike e përsëritur i lobit temporal (një nga pjesët e trurit) dhe në thelb ndahet në dy lloje:
- epilepsia anësore neokortikale;
- epilepsia meziale e lobit temporal (MTLE).
Shkaqet:
Kjo sindromë mund të shkaktohet nga dëmtimi i trurit (trauma ose infeksion), një tumor i trurit, keqformime vaskulare ose anomalitë e zhvillimit.
Epilepsia e lobit temporal mund të ndodhë në çdo moshë, me ose pa simptoma të tjera. Krizat me kalimin e kohës mund të përkeqësohen dhe të përfshijnë të gjithë trurin: në këtë rast mund të ndodhë edhe humbje e vetëdijes.
Simptomat:
Simptomat më të zakonshme mund të jenë:
- Lëvizjet jo-normale;
- Ndjesi jonormale (deja vu – deja vécu);
- Ndryshime në sjellje;
- Spazma muskulore ose konvulsione.
Diagnoza:
Për diagnozën e epilepsisë së lobit temporal, kryhet elektroencefalogrami (EEG) dhe video-EGG (pacienti qëndron nën vëzhgim për disa ditë duke kryer një EEG të zgjatur të monitoruar me kamerë që vëzhgon sjelljen klinike). Ekzaminimet neuroradiologjike (CT dhe MRI) lejojnë të shikohet çdo anomali e lobit temporal (skleroza hipokampale) dhe të përjashtohet prania e tumoreve ose keqformimeve vaskulare. Tomografia e emetimit të pozitronit (PET) dhe tomografia e kompjuterizuar me emetim të vetëm foton (SPECT) plotësojnë hetimet duke studiuar metabolizmin e zonave të ndryshme të trurit.
Mjekimi
Pas studimit të diagnozës, mund të sugjerohen trajtime të ndryshme:
- Terapi medikamentoze (barna anti-epileptike të shoqëruara).
- Kirurgjia e lobektomisë temporale anteriore: trajtim i zakonshëm kirurgjik me një nivel të lartë të zgjidhjes së çrregullimit (60% e rasteve të suksesshme). Në të njëjtën kohë, ky lloj trajtimi mund të çojë në efekte të ndryshme anësore si humbje të kujtesës, shqetësime vizuale dhe ndryshime emocionale. Pikërisht për këto arsye, teknika kirurgjikale është rafinuar me amygdaloipokampektominë, e cila ul rrezikun e çrregullimeve të kujtesës pas operacionit, por që rezervohet për një numër të përzgjedhur pacientësh.
- Radiokirurgjia stereotaktike me Gamma Knife është propozuar vitet e fundit si një alternativë e vlefshme për kirurgjinë, veçanërisht në pacientët me faktorë rreziku për kirurgji.
Trajtimet që mund të aplikohen për këtë patologji:
- Kraniotomia;
- Harta kortikale dhe kirurgjia e zgjuar;
- Fistula arteriovenoze durale;
