Njësia e Senologjisë pranë Spitalit Katolik Zoja e Këshillit të Mirë trajton patologjitë beninje të gjirit si:
- Fibroadenoma;
- Tumor Fillodes;
- po ashtu dhe patologjitë malinje të gjirit siç është kanceri i gjirit.
Trajtimi i kësaj patologjie realizohet nëpërmjet këtyre procedurave:
- Quadrantektomia (heqja e një pjese të gjirit të sëmurë)
- Mastektomia (heqja e të gjithë gjirit).
Kjo procedurë mund të realizohet gjithashtu për të parandaluar kancerin e gjirit tek ata me rrezik shumë të lartë për ta zhvilluar atë.
Mastektomia mund të jetë një opsion trajtimi për shumë lloje të kancerit të gjirit, si p.sh:
- Karcinoma in situ, e quajtur edhe kanceri joinvaziv i gjirit.
- Fazat 1 dhe 2 të kancerit të gjirit, i quajtur edhe kanceri i gjirit në fazat e hershme.
- Sëmundja Paget e gjirit.
- Kanceri i gjirit që kthehet pas trajtimit.
Pas kryerjes së masektomisë pacienti mund të qëndrojë në spital për 1 deri në 3 ditë. Kjo do të varet nga shtrirja e operacionit dhe nëse realizohet gjithashtu rindërtimi i gjirit.
Departamenti ka një bashkëpunim të ngushtë me repartin e Onkologjisë, Imazherisë dhe Laboratorin e Anatomisë Patologjike për kryerjen e:
- Tru-Cut Biopsi; një metodë për të marrë disa qeliza nga formacione të dyshimta në gjendrën e gjirit, realizohet nën anestezi lokale me anë të një shiringe automatike.
- Citologjisë: Metodë diagnostike kryesisht për sekrecionet e gjirit, por dhe për noduset.
Spitali Katolik Zoja e Këshillit të Mirë
Përkushtuar Shëndetit Tënd
Hyrja Rruga “Dritan Hoxha” dhe Rruga “Ana Komnena” 74, Tiranë
Tel: +355 445 05 004
WhatsApp: +355 69 70 77 550
E-mail: [email protected]
Web: www.zoja.al
