Diplomuar në Fakultetin e Mjekësisë, Tiranë më 1980, në vitet 1980 – 1983 specializim për Pediatri të Përgjithshme, 1987 – 1989 Specializim për Hematologji Pediatrike pranë Klinikës së Hematologjisë, Departamentit të Pediatrisë, F. M., Tiranë.
Me mbi 40 vite ekspertizë, Prof. Dr. Anila Godo sjell eksperiencën dhe kontributin e saj të vyer në Pediatri dhe specifikisht në fushën e Onkohematologjisë, ku që prej vitit 1997 ka mbuluar edhe detyrën e Shefes së këtij shërbimi. Pas kthimit nga Specializimi në Belgjikë, Prof. Dr. Godo organizon dhe ngre shërbimin e Onkologjisë Pediatrike, e cila deri në atë moment funksiononte pranë Spitalit Onkollogjik. Në këtë shërbim, përgjatë 15 viteve të fundit ka organizuar shërbime inovative si Spitalet Ditore për neoplazitë dhe hemoglobinopatitë.
Më poshte është një listë e kualifikimeve në spitale prestigjioze në Europë dhe Amerikë:
1991 Specializim pranë Spitalit “Bambino Gesu” në Romë, Itali
1992 Specializim për mësimdhënie në Universitetin “ La Sapienza ” Romë, Itali.
1994-1995 Specializim në Universitetin Katolik të Leuvenit, Belgjikë
1997 – Specializim në Paris, Spitali Robert Debre
1999 Kurs për onkologjinë pediatrike në S.Jude Hospital, Memphis, U.S.
Si rezultat i kontributit në kërkimin shkencor në fushën e pediatrisë, prof. Godo ka fituar:
- në vitin 1996 Gradën “Doktor i Shkencave”.
- në vitin 2009 Titullin “Profesor”.
Më poshtë janë disa Pozicione Drejtuese dhe Angazhime Profesionale Prestigjoze:
- Prej vitit 2013, Prof. Dr. Anila Godo ka mbajtur pozicionin e Shefes së Departamentit të Pediatrisë.
- Në vitet 2002 – 2006 dhe 2010 – 2017 ka mbajtur detyrën e Kryetares së Shoqatës Pediatrike Shqiptare (KSHP) dhe prej vitit 2017 është emëruar Presidente Nderi e SHPSH – së.
- Në vitet 2002-2007 ka qenë Zv. Dekane në Fakultetin e Mjekësisë.
- Në periudhën 2008 – 2009 ka qenë Ministre e Shëndetësisë.
- Në vitet 2007-2013 Anëtare e Këshillit të Arsimit të Lartë dhe Shkencës.
- 2016 – 2020 Këshilltare në Bordin Drejtues të UMEMPS (Unioni i Shoqatave Pediatrike të Mesdheut dhe Lindjes së Mesme).
- 2018 e në vazhdim : Anëtare e Komisionit të Shëndetësisë pranë Akademisë së Shkencave të Shqipërisë (ASHA).
- 2019 – 2024 Kryetare e Komisionit Mjekësor Spitalor, QSUT « Nënë Tereza «.
- 2019 – 2024 Anëtare e Bordit Drejtues të QSU “Nënë Tereza”.
- Prof. Dr. Godo ka qenë drejtuese / koordinatore e palës shqiptare në 2 projekte multicentrike ndërkombëtare.
Anëtare Bordi Editorial: International Revue of Pediatrics & Neonatal Care dhe New Bulletin of Medical Sciences, Faculty of Medicine, UMT
Prof. Dr. Godo ka referuar në qindra konferenca kombëtare dhe ndërkombëtare si dhe është autore tekstesh apo e publikimeve të shumta në revista të vendit dhe të huaja.
Prof. Dr. Anila Godo është një eksperiencë e shtuar profesionale dhe intelektuale për Spitalin Katolik Zoja e Këshillit të Mirë.