Kursi i Terapisë Interceptive vjen sërish këtë vit me një program të plotë që përfshin të gjitha problematikat e pacientëve në rritje, duke filluar nga rritja dhe zhvillimi e deri te terapitë përkatëse për çdo malokluzion të pacientëve në rritje.
Lektorët vendas dhe të huaj do t’ju orientojnë në fushën e ortodoncisë, nga hapat e parë deri te konceptet më të avancuara.
Risi e këtij viti është pjesa praktike mbi pacientët, e cila do t’ju lejojë të shihni dhe aktivizoni nga afër një gamë të gjerë aparatesh.
Nëse jeni në hapat e parë të ortodoncisë, ky kurs, si pjesë e parë e programeve tona vjetore, do t’ju ofrojë formimin e mjaftueshëm për të filluar rrugën e bukur dhe të gjatë në fushën e Ortodoncisë.
Ju mirëpresim!




