Një nga pyetjet më të shpeshta që i bëhet mjekëve gjinekologë në muajt e verës, nga gra të prekura nga vulvodinia (dhimbje/diskomfort afatgjatë i vulvës) ose nga infeksione të përsëritura vaginale, është: A mund të lahem ne det/pishinë?
Përgjigja është: Po, mund të hyni në ujin e detit, ujëra termale etj me një kusht të rëndësishëm, që kostumi i banjos nuk duhet që t’u thahet në trup.
Pse?
1.Mund të përmbajë spore, dmth mikrobe që presin momentin e duhur për tu shumëfishuar (temperaturën optimale, praninë e ujit dhe të lëndëve ushqyese).
2.Vulva do të qendrojë e lagur për shumë kohë. Ndërkohe që nervi i inflamuar ka shumë nevojë për ambient të thatë e të ngrohtë. Kështu që, sa të mbarojë banjo, duhet të ndërrohet menjëherë kostumi i banjës.
3.Pjesa mbrojtëse e kostumit, që është në kontakt me vulvën, është zakonisht prej materiali sintetik dhe shpeshherë me ngjyrë, prandaj është e këshillueshme vendosja e një cope mbrojtëse prej materiali pambuku të bardhë.
Grave të prekura nga vulvodinia dhe/ose nga infeksione vaginale të përsëritura u këshillohet:
– Të kenë kujdes kur futen në pishinë! Klori është një substancë irrituese për lëkurën dhe mukozat e inflamuara, mund të alterojë shumë pH vulvar. Duhet të përdorin krem mbrojtës me bazë vitaminë E.
-Hyrja në ujë të ftohtë zakonisht ka efekt qetësues për lëkurën dhe mukozën e inflamuar, por nëse zgjat banja në ujë të ftohtë mund të krijojë hipersensibilitet.
Rezervoni konsultën tuaj me mjekët specialistë pranë Spitalit tonë!
