Kanceri i qafës së mitrës është një sëmundje tërësisht e parandalueshme e megjithatë, ai mbetet shkak i rëndësishëm i vdekjes nga kanceri te gratë në mbarë botën.
Depistimi për kancerin e qafës së mitrës konsiderohet prioritet, por më tepër se gjysma e rasteve paraqiten në faza shumë të vonshme kur është vështirë të trajtohen.
Prandaj, thirrja kryesore për ndërgjegjësim është
I KUSHTOJMË VËMENDJE PAP-TESTIT!
Pap-testi është një kontroll jo-invaziv, pa dhimbje e ndërlikime dhe nuk ka pasoja. Ky kontroll ofron mundësi maksimale për zbulimin e kancerit të qafës së mitrës. Në Shqipëri vetëm 3%-5% e pacientëve kryejnë pap-test. Është detyra e strukturave shëndetësore, e personelit mjekësor dhe e shoqërisë në përgjithësi që të bashkëpunojnë për të ndryshuar statistikat e kryerjes së pap-test.
Pap-testi kryhet 1 herë në vit dhe përfshin moshat nga 17 – 70 vjeç. Përfaqëson depistimin më kosto-efektiv në krahasim me format e tjera të depistimit.
Ekzaminimi i qafës së mitrës ka 3 nivele vlerësimi:
- Pap-test
- Kolposkopi
- Biopsi
Pranë spitalit tonë ju mundësohet të kryeni kontrollin e pap-testi me një staf mjekësor me përvojë të gjatë profesionale.
Ju mirëpresim për konsulta dhe trajtime.
