Administrata e Barnave dhe Ushqimit në Shtetet e Bashkuara ka aprovuar tabletë (pimavanserin) për pacientët me psikozën e lidhur me sëmundjen e Parkinsonit. Sipas Institutit amerikan të Shëndetit rreth 50.000 amerikanë çdo vit vuajnë nga sëmundja e Parkinsonit dhe 50% e këtyre pacientëve kanë psikozën e sëmundjes së Parkinsonit, që karakterizohet nga prania e halucinacioneve dhe delireve. Personat që vuajnë nga këto çrregullime të rënda kanë një cilësi jete të kompromentuar veçanërisht në aspektin e emocioneve dhe ndjenjave, pa harruar raportet me të tjerët dhe kujdesin për veten.
Efikasiteti i Nuplazid është treguar me një studim klinik 6 javor, në të cilin kanë marrë pjesë 199 pacientë. Bari ka treguar se është superior ndaj placebos në reduktimin e frekuencës dhe forcës së halucinacioneve dhe delireve pa përkeqësuar simptomat parësore të sëmundjes së Parkinsonit. Efektet e padëshiruara më të zakonshme të raportuara nga pjesëmarrësit në studim përfshijnë ënjtje në zonën e kyçeve, pulpës dhe shputës, të përziera dhe gjendje konfuzionale.
Ashtu si me barna të tjera antipsikotike atipike, Nuplazid përmban një fletë paralajmërimesh që njofton profesionistët e shëndetit rreth shtimit të riskut të vdekshmërisë nga përdorimi i këtyre barnave në trajtimin e personave të moshuar me psikoza të lidhura me Parkinsonin.
Bari ka marrë përcaktimin nga FDA si ‘breakthrough therapy’ (terapi në avangardë) për trajtimin e halucinacioneve dhe delireve të lidhura me sëmundjen e Parkinsonit. Nëpërmjet këtij emërtimi është e mundur të përshpejtohet zhvillimi dhe vlerësimi i barnave për trajtimin e një gjendje të rëndë, të cilat kanë një mbështetje nga studimet klinike që tregojnë efikasitet më të madh në krahasim me terapitë e tjera në dispozicion.
Barit i është caktuar nga agjencia amerikane revizionimi prioritar, që i jepet barnave të cilat ofrojnë një përmirësim domethënës dhe siguri të lartë në trajtimin e patologjive të rënda.
