Një tjetër arritje e rëndësishme në qendrën tonë të hemodinamikës!
U realizua me sukses ndërhyrja e avancuar BAV (balonoplastika aortale) tek një pacient në gjendje kritike, me stenozë të rëndë të valvulës aortale dhe patologji shoqëruese.
Pacienti u paraqit në sallë në gjendje hemodinamike jo stabile, i intubuar dhe me frymëmarrje të drejtuar, çka e bënte ndërhyrjen edhe më sfiduese dhe me risk të lartë.
Pavarësisht riskut të lartë, ndërhyrja solli përmirësim të menjëhershëm: pacienti arriti të dal nga intubimi vetëm 3 orë pas procedurës dhe ndodhet në gjendje të stabilizuar.
Procedura u krye nga ekipi i kardiologjisë intervencionuese, nën drejtimin e Dr. Aurel Demiraj dhe Dr. Alk Shehu, në bashkëpunim me ekipin e anestezi-reanimacionit, nën drejtimin e Dr. Ervin Bejko, me pjesëmarrjen e Dr. Altin Papa dhe Dr. Devi Haxhiaj, si dhe me mbështetjen e stafit të sallës, Elton Dimo.
Suksesi i kësaj ndërhyrjeje reflekton përkushtimin, profesionalizmin dhe bashkëpunimin e ekipit tonë multidisiplinar, si dhe përdorimin e teknikave bashkëkohore në trajtimin e patologjive kardiake komplekse.
